Gracias a la Vida

تخبرين صديق

أشعر أن جسدي هزيل

وأني سأقع في أية لحظة

يقول لك جهاز القياس

أن ضغطك ممتاز

لا يمكن أن يكون أفضل من ذلك

يخبرك الصديق

يبدو أنه ضغط الروح

المنخفض والثقيل في آن واحد

 تبتسمين في اعياء

أنا أعرف كل الإجابات مسبقا

أنسج خيطا بين التفاصيل الصغيرة

وأقرأ الغيب

وهذا أكثر ما يفزعني

….

جسدك العاري المنتهك

يجلس على حافة البانيو

يذيب الماء الساخن رأسك

ويتدفق الدم من بين ساقيك

تجلسين على حافة الانهيار

لا تستطيعين حتى البكاء أو الصراخ

لا يخرج منك أي صوت

تغمضين عينيك

 كأنك تحاولين منع كابوس من التحقق

وبقايا جنين ميت

ينهش في صدرك

كمخالب حمامة عملاقة

ولا تعرفين لماذا

لا تنقطع الحياة عنك ببساطة

انقطاع تيار كهربائي

ظلمة مفاجئة

وسكون

لا جسد

لا حب

لا شهوة

لا ثقل للعيش

لا عيش

فقط

نوم طويل

ونسيان

لأنه لسة فيه وجع، فيبدو إن مسبباته لسة ماخلصتش. وهو لازم تخلص يا نُهى؟ مش مضطرة ومش مطلوب منك تدوسي على زرار فتلاقي نفسك خفيتي. الحاجات الحقيقية ماينفعش تمشي بسهولة، هتنسحب وتسحب معاها روحك، الفكرة انك بتعرفي إزاي تستعديها تاني يا حبيبة عيني، وكل مرة بتلمعي أكتر من الأول

I will allow space for all the feelings my heart holds. I will not cower or hide from myself. It’s okay to feel the ugly messy things. It’s okay to feel the burning brilliance of beauty. It’s okay to feel the soft winds of happiness and the quiet bursts of loneliness. Its okay to feel it all. It’s okay to be myself, all of myself, not just the good.
When you finally let go, it is like opening your front door and seeing yourself standing there again.

Welcome home, it’s been so long.
Tina Tran, The Art of Letting Go

Margarita Sikorskaia

:)

Margarita Sikorskaia

:)

طب طالما بتتعايشي ،احكيلي حاجة
Anonymous

الفترة اللي فاتت بعتقد اني مريت بتجربة مهمة هتغير كتير في حياتي للأحسن. الكلام عن تفاصيل التجربة نفسها يمكن لسة ماجاش وقته. فيه ايقاع معين لأيامي وللوقت محتاجاه يظبط عشان أقدر أترجم كل حاجة حصلت في الكتابة. أو يمكن أنا مازلت داخل التجربة ولسة بستوعب الأشياء

المهم اللي بكرره الأيام دي اني عملت حاجة مهمة لنفسي من جديد، واستعدت ثقة كبيرة في حالي، ولسة عندي القدرة اني أفاجئني، وأتحرر من شبكة آمنة وأروح للجزء الحي والنابض من الدنيا وأسيب روحي تماما للحياة تعيد تشكيل نفسها وترتب حالها بطريقتها وتديني كل الاجابات وكل الدهشة والاستغراب اللي أنا محتاجة لهم بشدة

بقيت أكثر هدوءا، وسماحة ومسامحة، وبسمح للحاجات تموت وتروح وييجي غيرها من غير دبدبة كتير ع الأرض. يعني دا ممكن يبقى اختصار يخل بالمعنى بس فيه بُعد أعمق من كدا، لأنه التخلي عمره ما كان سهل، والتوافق والتناغم مع كل المتناقضات اللي تبان كدا من الظاهر عمره ماكان سهل برضه

لسة فيه حاجات ومشاعر متعلقة بيها بس بتعامل معاها بطريقة مختلفة، وبحطني في الأول. بحن على نفسي في الأول، عشان يبقى عندي طاقة أهضم كل اللي حصل واللي ممكن يحصل بعدين

أنا في مرحلة دلوقتي،  الحضن اللي كان بيوجعني عشان مش قادرة أسيبه ومش عايزاه يروح، هو نفس الحضن اللي بحس بس دلوقتي  بدفاه وحنيته وبكون فاهمة جدا انه مش لازم يكون شيء دايم، وخلينا بس نبقى ممتنين للحظة دي، والرزق دا ومانفكرش في ايه مستنينا الدقيقة اللي جاية. نبقى احنا بكل طاقتنا، وندّي كل الحب اللي احنا من الأصل شايفين روحنا جديرين بيه، نديه واحنا عارفين انه هيترد لنا بطريقة أو بأخرى، بطريقة عمل الكون اللي عارف أكتر.

نفضل نحب ونحن من غير ما نحس انه دا شيء مهدر طالما مش بناخد مقابل محدد ومعين. في الأساس احنا بنعمل كدا عشان روحنا ، الطاقة دي هى اللي بتشفينا مش أي حاجة تانية

نكون جديرين بالنور والخير اللي اتخلقوا جوانا ومانخافش، نطمن انه رعاية السما موجودة، وانه ربنا جميل، وانه بيختارلنا الأحسن لينا دايما

فينك يا غالية !؟
Anonymous

عايشة وبتعايش :)

Landscapes, 2014 | by Jacqueline Riman

غدا أنا على طريق سفر

لا أعرف أبعد من التذكرة في محفظتي

لا شيء مُخطط له

لا أعلم أين سأنام في الليلة القادمة

المجهول جميل

مثير

يحفز كل حواسي المخفية

يخفي أيضا بداخله  الدهشة والرغبة وعلامات الاستفهام

الإجابات ليست هى الغاية

المجهول قد يحمل إنذارا بالموت

وكأني أقف على حافة العالم كما أردت دائما

هناك الهواء مختلف تماما

لا يوجد صعوبة في استشاقه

ويصبح الجسد أخف وزنا

ربما يكون الموت نفسه مختلفا على الحافة

وكأنك تنثر رفاتك المحترقة

كل خلاياك التي توقفت عن العمل

والجزء الذي تعفن من قلبك

تنثر كل ذلك في اتجاه الرياح

تموت

لتعيش مجددا